|

Улаанбаатар, Улаан-Үд хот хамтран соёлын арга хэмжээ, бизнес форум зохион байгуулна

_MG_6678ОХУ-ын Буриад Улсын Улаан-Үд хотын Захирагч Александр Голков тэргүүтэй төлөөлөгчид Улаанбаатар хотод айлчлах хугацаандаа НИТХ-ын дарга Д.Баттулга, нийслэлийн Засаг дарга бөгөөд Улаанбаатар хотын Захирагч Э.Бат-Үүл нартай уулзах хүсэлтийн дагуу нийслэлийн удирдлагууд ноён Александр Голков тэргүүтэй төлөөлөгчдийг хүлээн авч уулзлаа. Уулзалтаар хоёр хотын хөгжил дэвшил, хамтын ажиллагааны талаар санал солилцов.

Уулзалтын эхэнд нийслэлийн Засаг дарга бөгөөд Улаанбаатар хотын Захирагч Э.Бат-Үүл “Юуны өмнө тантай дахин уулзаж байгаадаа баяртай байна. Улаан-Үд, Улаанбаатар хот бүхий л салбарт хамтран ажилласаар ирсэн. Цаашид ч хамтын ажиллагаагаа улам өргөжүүлж ажиллана. Энэ жил нийслэлд бүтээн байгуулалтын олон ажил хийхээр төлөвлөж байна. Мөн 2016 онд Улаанбаатар хотод АСЕМ-ын дээд хэмжээний уулзалтыг зохион байгуулахаар бэлтгэл ажилдаа орсон. Улаан-Үд бол хөгжиж байгаа цэмцгэр хотуудын нэг. Танай хотоос суралцах зүйл их бий. Энэ ч үүднээс хоёр хот хамтран соёлын арга хэмжээ, бизнес форумыг зохион байгуулж, эдийн засгийн чиглэлээр түлхүү хамтарч ажиллах хүсэлтэй байна” гэлээ.

Харин ноён Александр Голков дахин хүлээн авч уулзаж байгаад талархал илэрхийлээд хоёр хот бүхий л салбарт хамтран ажилладаг бөгөөд бидний зүгээс Та бүхний ажилд дэмжлэг үзүүлж, хамтран ажиллахад бэлэн байгаагаа уламжиллаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ. 

Сэтгэгдэлүүдийг хаах

Сүүлд нэмэгдсэн сэтгэгдэл

  • Benny: Hello very nice website!! Guy .. Excellent .. Amazing .. I will bookmark your web site and take the feeds...
  • Angelina: I know this web page presents quality dependent articles and additional stuff, is there any other web page...
  • Fredericka: This is very interesting, You’re a very skilled blogger. I’ve joined your feed and look...
  • Liam: Hello, every time i used to check blog posts here early in the dawn, because i enjoy to find out more and more....
  • Tamika: There’s definately a lot to find out about this subject. I really like all the points you have made....