|

Б.Чойжилсүрэн гишүүн ээ! Тосонбумбын нурууны гүний усыг шавхахаа зогсоо!

choijilsuren-5

Ангаж цангаж яваа амьтдын сүүлчийн балга усыг булаахаас илүү нүгэл гэж юу байх вэ дээ! Б.Чойжилсүрэн гишүүн ээ! Тосонбумбын нурууны гүний усыг шавхахаа зогсоо!
…Тосонбумбын нуруу бол говьд үлдсэн ганц баянбүрд учраас өмнийн говийн эксистемд онцгой үүрэг гүйцэтгэж буй. Гэтэл УИХ-ын гишүүн Б.Чойжилсүрэнгийн “Саут гоби коал транс” компани Тосонбумбын баянбүрдийн гол тэжээл болсон газрын гүний усны судлыг тасалж, хөрс хуулалт хийснээр газар доогуур урсч байсан цэвэр ус уурхайн ухсан нүхэнд дүүрээд байна. Тост, Тосонбумбын нуруунд орсон борооны ус газар доор хуримтлагдаж, гүний тэжээгдлийн мужуудаар дамжин урсч, хэдэн км -ийн цаана 10 гаруй задгай булаг шанд болон гадарга дээр ил гарч ирдэг.. Түүнээс нь мал амьтан, нутгийн иргэд амны усаа залгуулж, улмаар Гурвантэс сумынхан хүнсний ногоогоо тарьж ирсэн.
Гэтэл Б.Чойжилсүрэнгийн компани гүний усны зөөврийн муж дээр нь олборлолт явуулснаар Хөвд, Хуршуут тэргүүтэй булаг шандууд тэжээлгүй болж ширгэх нь тодорхой боллоо. Гүний усны судлыг тасалснаа нуух гэж газар дээр нь сурвалжлахаар очсон сэтгүүлчид болон нутгийн иргэдийг олборлолтын талбай руу оруулахгүй бөөн тэмцэл болсон. Олборлолтын талбайд хуримтлагдсан их хэмжээний усыг нууж, зураг хөргийг нь гадагш дэлгэхгүйн тулд ажилчдынхаа гар утсыг хүртэл хурааж авах нь холгүй болсон гэнэ. Уурхайд шалгалт очих сургаар хуримтлагдсан усыг шавхаж зайлуулах ажлыг эрчимтэй хийж эхэлжээ. Говьд олон мянган жилийн турш хуримтлагдсан ийм их хэмжээний гүний цэвэр ус байтугай балга ус амьтай бүхнийг тэтгэгч рашаан, амьдралын бүр амьд үлдэхийн үндэс билээ.
Ангаж цангасан амьтдын сүүлчийн балга усыг булаахаас илүү НҮГЭЛ гэж юу байхав дээ!!! Хүний зохиосон ХУУЛЬ-иас та өнөөдөр зугтаж чадах ч Хорвоогийн жам ёсны ҮЙЛИЙН ҮР-ээс тойрч гарч чадахгүй ээ. Таны мөнгөний шуналын золиосонд хэдэн амь ангаж хатаж үхэх ёстой вэ!!


Зураг дээр:Хөрс хуулах явцад газрын гүний усны судлыг тасалсан байдал

Сэтгүүлч Б.Отгон 2019.06.06

Сүүлд нэмэгдсэн сэтгэгдэл

  • shop at home: You really make it seem so easy with your presentation but I find this topic to be really something...
  • ecommerce website: I have been exploring for a little bit for any high quality articles or weblog posts in this kind...
  • shopping channel: Useful info. Fortunate me I found your website unintentionally, and I am shocked why this twist of...
  • create website: Wow, incredible weblog layout! How lengthy have you been running a blog for? you make running a blog...
  • foreclosed homes: Hey There. I found your blog using msn. This is an extremely well written article. I’ll be sure to...