|

Есдүгээр сарын 11-ний халдлагын ойн өдөр Кабул дахь АНУ-ын элчингийн ойролцоо пуужин дэлбэрэв

1-us embassy afghanistan

Есдүгээр сарын 11-ний террорист халдлагын ойн өдөр дөнгөж эхэлж байхад буюу өнгөрсөн шөнө Афганистаны нийслэл Кабул дахь АНУ-ын элчин сайдын яамны ойролцоо пуужин дэлбэрчээ.

Дэлбэрэлтээс цагийн дараа тус элчин сайдын яаманд ямар нэг хохирол учраагүйг албаныхан мэдээлсэн байна.

АНУ-ын ерөнхийлөгч Дональд Трамп өнгөрсөн амралтын өдөр Талибан хөдөлгөөнийхөнтэй хийж байсан яриа хэлэлцээгээ зогсоосныг зарласнаас хойш анхны томоохон халдлага гарсан нь энэ юм.

Өнгөрсөн долоо хоногт Кабулд амиа золиослогчийн үйлдсэн дэлбэрэлтийн улмаас арав орчим хүн алагдсаны дотор Америкийн цэргийн алба хаагч байсан бөгөөд үүний улмаас Трамп яриа хэлэлцээг зогсоох шийдвэрээ зарласан байна.

2001 оны есдүгээр сарын 11-ний террорист халдлага нь Афганистанд маш эмзэг сэдэв байдаг. Учир нь уг халдлагыг зохион байгуулсан Аль Кайда бүлгийн тэргүүн Осама бин Ладеныг устгахын тулд АНУ цэргээ Афганистанд оруулж байв.

Тухайн үед Осама бин Ладен Афганистанд Талибанчуудын хяналтын газар нутагт орогнож байсан юм.

Өнгөрсөн 18 жилийн хугацаанд Афганистан дахь АНУ-ын цэргийн тоо оргил үедээ 100,000 хүрч байсан бөгөөд 2011 онд Осама бин Ладен хөрш Пакистанд алагдсаны дараа огцом буурчээ.

Өнөөдөр энэ улсад АНУ-ын 14,000 цэрэг байрлаж, Кабулын засгийн газрын цэргүүдэд сургалт, дэмжлэг үзүүлэх чиглэлд голдуу ажиллаж байгаа.

Дональд Трамп олон жил сунжирсан дайныг зогсоож, цэргээ Афганистанаас гаргахыг зорьж байгаа ч Талибантай хийж байсан хэлэлцээ нь мухардалд ороод байна.

Р.Төмөр

Эх сурвалж: Associated Press

Сүүлд нэмэгдсэн сэтгэгдэл

  • golden goose sneakers: Thank you a lot for giving everyone such a superb chance to read articles and blog posts from...
  • ferragamo belt: My husband and i ended up being now relieved that Jordan managed to round up his studies by way of...
  • off white hoodie: My spouse and i felt now satisfied that Edward could complete his preliminary research through the...
  • birkin bag: I happen to be writing to let you be aware of of the helpful encounter my friend’s child undergone...
  • air max 270: I’m just commenting to let you understand what a beneficial experience my cousin’s daughter...