|

Францын ахлах сургуулийн хүүхдүүд хичээл хаяж байна

Францын ахлах сургуулийн хүүхдүүд хичээл хаяж байна

Өглөө гараад пижигнэж явтал гудамж зам хаагаад, цагдаагийн хамгаалалтууд давхилдаад бөөн юм болж байна. Энэ юу болоод байна гээд хэрэгт дурлатал дан залуучууд, хүүхдүүд жагсаал хийж харагдана. Улс амьтнаас сураглатал “Лицей сургуулийн сурагчид хичээл хаялт зарлаад, бужигнаад хэд хонож байна” гэнэ. Лицей гэдэг нь ахлах сургууль буюу мэргэжлээ сонгож, цааш хэрхэн ажиллаж амьдрахаа шийдэж яваа хүүхдүүд.

“Би одоо энэ мэдээллийн хаагуур явсан юм. Нөгөө лицейд сурч байгаа хүүхэд өглөө болгон л хичээлдээ явлаа гээд гардаг. Яагаад юу ч хэлдэггүй юм. Юунд оролцоод, юу түйвээгээд явна аа?” гэж гайхаад охин руугаа утас цохиод учрыг асуув аа. Тэгсэн их дээд сургуульд элсэх босгыг жирийн потенциальтай хүүхдийн чадавхиас давсан өндөр шалгууртай болгох хууль яригдаж байгаа учраас энгийн үзүүлэлттэй хүүхдүүдээ дэмжиж “Хүн бүрт шат ахих боломж нээлттэй байх ёстой. Гэтэл хэдхэн оноогоор үндэслэн маш олон залуучуудын хүсэл сонирхлоороо сурах боломжийг хааж байгаа энэ өөрчлөлтийг Франц орон даяарх лицей сургуулийн сурагчид эсэргүүцэж байгаа нь энэ” гэнэ. Яг одоо лицей сургуулийн хүүхдүүд бакалаврын маш том шалгалтуудаа өгч, нойр хоолгүй шахам бэлдэж явцгаадаг тун ноцтой үе нь. Гэтэл тэд ямар том зориг гарган хичээл хаяж, цаг минутаар цуглуулах ёстой оноонуудаа алдах эрсдлийг хийнэ вэ?

Францын ахлах сургуулийн хүүхдүүд хичээл хаяж байна

Наанаа инээж ирмэж, найрсагхан нахилзаж явдаг энэ францчууд нэг босохоороо пирхийтэл ташраараа дуу нэгтэй босох юм аа. Атаархмаар ч юм шиг. Цагдаа нар нь босогчдод явах зам нээж өгч, замын хөдөлгөөнийг эвтэйхэн хааж бариад, бас тэрүүхэнд нь хамгаалаад зохицуулаад өгөх юм.

Гэтэл манай нөгөө тусгай 29-р сургуулийн сурагчдыг ганц удаа эсэргүүцэл зарлахад жирийн хүүхэд залуус нь дэмжсэн бил үү?

Дээр дооргүй загнаж хавчсаар байгаад тэгсгээд замхруулаад намжаасан санагдана. Харин францчууд хүүхдүүдийнхээ энэ эсэргүүцлийг маш зөв зүйтэй тэмцэл гээд ихэд дэмжиж байгаа тухай сая ТВ-үүдээр эцэг, эхчүүдийн ярьсан ярианаас ойлгов.

Францын ахлах сургуулийн хүүхдүүд хичээл хаяж байна

Харамсалтай нь орон даяар тэмцэж байгаа энэ эсэргүүцэлд