|

Р.Гончигдорж Ерөнхий сайдад асуулга тавив

УИХ-ын гишүүн Р.Гончигдорж Монгол Улсын Ерөнхий сайдад Сонгуулийн тухай хуулийг хэрэгжүүлэх ажлын талаар асуулга тавилаа.
Тэрбээр асуулгадаа “Одоо хүчин төгөлдөр мөрдөж буй Орон нутгийн хурлын сонгуулийн тухай хуулийн зургаадугаар зүйлийн нэгдэх хэсэгт заасны дагуу бүх шатны хурал орон нутгийн хурлын сонгуулийн тойргийг санал авах өдрөөс таваас доошгүй сарын өмнө байгуулж, мандатыг хуваарилж, тойргийн дугаар, нутаг дэвсгэр, төвийг харьяалах нутаг дэвсгэрийн сонгогчдод мэдээлэх учиртай.
Орон нутгийн хурлын сонгуулийн тойргийг энэ оны нэгдүгээр сарын 25-наас өмнө байгуулсан байх ёстой атал Монгол Улсын хэмжээнд өнөөдөр нэг ч тойрог, хэсэг байгуулагдаагүй байна. Орон нутгийн хурлын сонгуулийн тухай хуулийн биелэлтийг хангахтай холбогдуулан Ерөнхий сайдаас зохион байгуулалтын болон бусад арга хэмжээ авч хэрэгжүүлсэн эсэх талаар асуулга тавьж байна” гэжээ.

*

Сүүлд нэмэгдсэн сэтгэгдэл