|

Хотын дарга аа, “ЗУНЧЕН” компаниар хэдий болтол чанаргүй барилга бариулах вэ ?

527-1434069815ab67737443ba7763original-(1)Одоогоос хоёр жилийн өмнө Баянгол дүүргийн VI хорооны нутаг дэвсгэрт “Шүнди” ХХК-ийн захиалгаар доод талдаа үйлчилгээний төвтэй 12 давхар 66 айлын орон сууцны барилга ашиглалтад ороод удаагүй байхдаа тар нь танигдаж, оршин суугчдыг багагүй сандаргасан.
Тус барилгын ажлыг Хятадын хөрөнгө оруулалттай “Зунчен” компани гүйцэтгэсэн бөгөөд үндсэн зургийн дагуу угсралтын ажлыг хийгээгүй байжээ. Өөрөөр хэлбэл, сантехникийн холболт хийхдээ боолтыг ханатал нь чангалж, шахагчийг ашиглаагүйгээс далд шугамд ус алдаж, мөн ус дамжуулах цайртай ган яндан холбох хэрэгслээр угсралт хийх норм, дүрэм алдагдсанаас зэврэлт үүссэн болохыг тогтоосон байдаг.
Үүний улмаас усны агуулга дахь зэв, төмөр зөвшөөрөгдөх хэмжээнээс хэтэрч, “Иргэд усыг ундандаа хэрэглэх боломжгүй” гэх мэргэжлийн байгууллагын дүгнэлт хүртэл гарч байсан ч эл асуудлыг яаж шийдсэн нь тодорхойгүй, удалгүй хав дарагдсан гэхэд болно.
Тэгвэл энэ сарын 6-нд өнөөх Хятадын хөрөнгө оруулалттай алдарт “Зунчен” компанийн барьж, ашиглалтад оруулсан 13 давхар 34 айлын орон сууцны гаднах шавардлага ховхорч, хөөсөнцөр унаж, оршин суугчдыг сандаргаад байна. Тодруулбал, саяхан орсон их хэмжээний усархаг борооны улмаас Хан-Уул дүүргийн XV хороонд байрлах “Нархан” хотхоны 65 дугаар байрны 13 давхрын гадна талын дулаалгын хөөсөнцөр 11 давхар хүртэл хөндийрсөн, дулаалга нь хууларсан хэсгийн өрлөгийн хөнгөн блок үйрсэн байдалтай байгаа юм.
Хэдийгээр зарим хэвлэл мэдээллийн хэрэгслээр тухайн орон сууцыг “Алтай констракшн” ХХК барьж, ашиглалтад оруулсан гэж мэдээлж байсан ч “Тэнгэрлэнд” компанийн захиалгаар “Зунчен” барилгын компани хийж гүйцэтгэжээ.
Зоорийн давхартаа 16 авто машины гарааш, доод талдаа үйлчилгээний төвтэй тус барилгын ажлыг 2007 оны тавдугаар сараас эхэлсэн бөгөөд 2008 оны тавдугаар сарын 15-нд барьж дууссан байна. Улмаар 2009 оны хоёрдугаар сард ашиглалтад оруулж, улсын комисст хүлээлгэн өгчээ.
Харин дээрх үйл явдалтай холбогдуулан Мэргэжлийн хяналтын ерөнхий газраас энэ сарын 8-нд явуулсан шалгалтаар тус барилгаас хэд, хэдэн зөрчил илрүүлсэн байна. Тухайлбал, барилгын дээврийн хар цаасан хучлага хөндийрч хууларсан, дээврийн хашлага ханан дээр малгай төмөр хийгдээгүйн улмаас дээврийн налуу алдагдсан, борооны ус дээвэр дээр их хэмжээгээр тогтсон, бохирын үнэр гаргагч, агааржуулалтын хоолой дээврээс дээш гарсан хэсгийн хашлага хийц эвдэрсэн болохыг шалгалтаар тогтоосон аж.
527-1366679359middle
Энэ талаар албаныхнаас тодруулахад, “Хан-Уул дүүрэгт байрлах 65 дугаар барилгад үүссэн нөхцөл байдлаас үзэхэд Барилгын тухай хуулийн есдүгээр зүйлийн 9.1.1 дэх /Хүн ажиллаж, амьдрах таатай нөхцөл бүрдүүлсэн, түүний эрүүл мэндэд сөрөг нөлөөгүй, аюулгүй байдлыг хангасан/ заалтын шаардлагыг хангахгүй байна.
2f01ede594bd0ac6big
Цаашид гадна хананы дулаалгыг засварлахдаа зургийн зохиолчоор шийдэл гаргуулж, тусгай зөвшөөрөл бүхий мэргэжлийн байгууллагаар гүйцэтгүүлэх шаардлагатай” гэв.
Энэ мэтчилэн удаа дараа иргэдийн аюулгүй байдалд заналхийлж, чанарын шаардлага хангахгүй барилга барьж, ашиглалтад оруулж байгаа “Зунчен” мэтийн компаниудаар хэдий болтол барилга, орон сууц бариулах вэ, хотын дарга аа.
Үүнээс гадна барилгын компаниудад хяналт тавих үүрэг хүлээсэн бүхэл бүтэн мэргэжлийн хяналтын армийг татвар төлөгчдийн мөнгөөр тэжээж байна. Гэтэл тэд төрөөс олгосон хяналт тавих эрх мэдлээ хэтэвчээ зузаатгахад л ашигладаг болжээ.
Б.Төрбат

Сэтгэгдэлүүдийг хаах

Сүүлд нэмэгдсэн сэтгэгдэл

  • Angelina: I know this web page presents quality dependent articles and additional stuff, is there any other web page...
  • Fredericka: This is very interesting, You’re a very skilled blogger. I’ve joined your feed and look...
  • Liam: Hello, every time i used to check blog posts here early in the dawn, because i enjoy to find out more and more....
  • Tamika: There’s definately a lot to find out about this subject. I really like all the points you have made....
  • Clara: If some one wants to be updated with latest technologies then he must be pay a visit this site and be up to...