|

Чойбалсан хотын 5,5 км замын ажлын явц удаашралтай байгааг иргэд шүүмжилж байна

Чойбалсан хотын хойд 5,5 км төв замын ажлын явц удаашралтай байгаа талаар иргэдээс гаргаж байгаа гомдол, хүсэлттэй санал нэгтэй байна.

1. Тус замын ажлын зураг төсвийг өнгөрсөн онд гүйцэтгэсэн компанид аймгаас тодорхой саналуудыг албан ёсоор өгсөөр байхад тусгаагүйгээр барахгүй мөн холбогдох яам, газрууд зураг төсвийг нь баталж, санхүүжүүлсэн байна.
2. Зүй нь зам барихад чиглэлд нь давхцаж буй инженерийн шугам сүлжээг зайлуулах, газар чөлөөлөхөд шаардагдах зардлыг төсөвт зайлшгүй тусгах ёстой бөгөөд хэрвээ санхүүжилт нь дутагдвал замынхаа уртаас хасаж, ирэх онуудад үргэлжлүүлээд барих хөрөнгийг батлах нь зөв байдаг.
3. Мөн бид яам, холбогдох газраас шаардсаар байгаа ч өнөөдрийн байдлаар тус замын зураг төсвийг авч хянаж үзэж чадахгүй л байна.
4. Энэ жил улсын төсвийн хөрөнгө оруулалтаар олон аймгуудад автозам шинээр хийгдэж байгаа бөгөөд тухайн ажлыг зохион байгуулах эрхийг Зам тээврийн хөгжлийн яамнаас бүх аймгуудад шилжүүлсэн ч ганцхан манай аймгийнхийг буцаан татаж тус яаман дээр худалдан авах ажиллагааг зохион байгуулж гүйцэтгэгч компанийг сонгон шалгаруулж гэрээ байгуулсан тул биднийг захиалагч бус гэсэн байдалтайгаар хандаж байна.
5. Замын ажил эхлэхээс өмнө ч явцад нь ч бид гүйцэтгэгч Арц суварга ХХК-ийг хүлээн авч уулзан тодорхой шаардлагуудыг тавин ажиллаж байгаа ч зарим шаардлагыг биелүүлэхгүй л байна. Тухайлбал; Шинэ хөгжил, 5, 8, 12 дугаар сургууль болон 7, 8, 12 дугаар цэцэрлэгүүдийн орчмын замыг эхэлж хийгээд хичээлийн шинэ жил эхлэхээс өмнө тэр хэсгийг нь дуусгахыг шаардсан боловч зорчих хөдөлгөөн багатай гэдгийг мэдсээр байж зүүн талаас нь ажлаа эхэлсэн.

Тус компанийг ажлаа хэвийн явуулахад аймаг орон нутгаас шалтгаалах бүхий л зүйлүүдээр дэмжин ажиллаж байгаа хэдий ч ажлын явц удаашралтай, ажлын зохион байгуулалт муутай байгаад ЗТХЯ болон тус компаний өмнөөс иргэдээсээ хүлцэл өчье.

Зарим байгууллагаас биднийг захиалагч биш гэж үзэж байгаа хэдий ч тус замыг ашиглагч орон нутгийн хувьд энэхүү замыг чанартай, шуурхай хийлгэхэд Та бүхнийхээ нэрийн өмнөөс хяналт тавьж, шахаж шаардаж ажиллах болно оо.

Энэ замыг өргөн сайхан болгох бэлтгэл ажлыг өнгөрсөн онуудаас эхлэн хангаж тус чиглэлд аймаг, хотоос шинээр газар олгоогүй бөгөөд 2016 онд л гэхэд хуучнаар Залуус талбайг зам болгож байсан билээ.

Сүүлд нэмэгдсэн сэтгэгдэл

  • Pet Shop Online: that would be the finish of this article. Right here you will find some internet sites that we...
  • Exotic Pet Store: that could be the finish of this write-up. Right here youll discover some internet sites that we...
  • Online Pet Store: Here is an excellent Blog You might Locate Intriguing that we Encourage You
  • Pet Food Suppliers: here are some links to internet sites that we link to since we assume they’re worth visiting
  • Pet Supplies Online: Every the moment in a even though we pick blogs that we study. Listed beneath would be the most...