|

Завханд аж үйлдвэрийн бүтээгдэхүүн үйлдвэрлэл нэмэгдэж ажилгүйдэл буурчээ

uildver

Завхан аймагт аж үйлдвэрийн бүтээгдэхүүн үйлдвэрлэл зургаан тэрбум 943.9 сая төгрөг болж, өнгөрсөн оноос хоёр дахин өссөн тухай мэдээллийг аймгийн Статистикийн хэлтсээс өглөө.

Энэ жил нийт үйлдвэрлэлээс аж ахуйн нэгжийн үйлдвэрлэл нь 10191.2 сая төгрөг, иргэдийн үйлдвэрлэл нь 6752.7 сая төгрөг болсон байна. Хүнсний үйлдвэрлэл тэр дундаа мах боловсруулах үйлдвэрлэл өссөн дүнтэй байна. Модон эдлэл, хувцас эдлэл, арьс шир, эсгий эдлэлийн үйлдвэрлэл нийт үйлдвэрлэлд массаар буюу хувь хэмжээгээр илүү байна. Мөн цахилгаан, дулаан, усан хангамжийн үйлдвэрлэлийн эзлэх хувь өндөр байна.

Аймгийн аж ахуйн бүтээгдэхүүн үйлдвэрлэлийг хувийн жижиг дунд үйлдвэрлэл эрхлэгчдээс гадна, аж ахуйн нэгжүүдийн бүтээгдэхүүний тоо хэмжээ, чанараас шалтгаалан эрэлт өндөртэй, үйлдвэрлэл жил бүр өсөлттэй гарч байгаа нь сайшаалтай. Түүнчлэн орон нутгийн иргэд тухайн орон нутагтаа үйлдвэрлэсэн бүтээгдэхүүнийг авч хэрэглэх хэрэгцээ, эрэлт нь ихэссэн. Ялангуяа хүнсний болон боловсруулсан махан бүтээгдэхүүн, газар тариалангийн үйлдвэрлэл, эсгий эдлэл, арьс ширэн бүтээгдэхүүний борлуулалтын хувь өндөр байна. Боловсруулах аж үйлдвэр болох монгол гутал үйлдвэрлэл гэхэд 879 хос монгол гутлыг үйлдвэрлэсэн байна. Түүнчлэн монгол дээл үйлдвэрлэлийн тоо хэмжээ сүүлийн хоёр жилтэй харьцуулахад хоёр дахин өссөн дүнтэй байна.

Ийнхүү жижиг дунд үйлдвэрлэл өсөж буй нь ажилгүйдлийг бууруулахад эерэг нөлөө үзүүлсэн нь статистик мэдээллээс харагдаж байна. Тухайлбал аймгийн хөдөлмөр, халамжийн үйлчилгээний газарт бүртгүүлсэн ажил идэвхтэй хайж байгаа ажилгүй хүний тоо өнөөдрийн байдлаар 645 болж, өнгөрсөн оны мөн үеэс 7.5 хувиар буюу 52 хүнээр буурсан байна. 2019 оны 10 сарын байдлаар бүртгүүлсэн ажил идэвхтэй хайж байгаа ажилгүйчүүдийн тоо өмнөх 4 жилийн дунджаас 30.8 хувиар буюу 287 хүнээр буурсан байна хэмээн Статистикийн газраас тус тус мэдээлэв.

Б.Мягмарсүрэн

Сэтгэгдэлүүдийг хаах

Сүүлд нэмэгдсэн сэтгэгдэл

  • Foster: Hello! Someone in my Myspace group shared this site with us so I came to check it out. I’m definitely...
  • Scammer: I love how everyone has just forgotten that Robert Downey jr was in blackface throughout the entire movie...
  • Felipe: I am in fact thankful to the owner of this web site who has shared this enormous piece of writing at here....
  • Hamish: Hey I know this is off topic but I was wondering if you knew of any widgets I could add to my blog that...
  • Thaddeus: Wonderful goods from you, man. I’ve understand your stuff previous to and you are just too wonderful....