|

Жүжигчин ДиКаприо мөнгө төлж Амазоны ширэнгийг шатаалгаж байна гэж Бразилын ерөнхийлөгч мэдэгдэв

jair bolsonaro wins

Амазоны ширэнгэд шатаж буй гал түймрийг Холливүүдийн нэрт жүжигчин захиалсан гэх батлагдаагүй мэдээллийг Бразилын ерөнхийлөгч Жайр Болсонару тараажээ.

Байгаль орчныг хамгаалахын төлөө тэмцэгч төрийн бус байгууллагуудыг Бразилаас хөөж гаргана гэж нэг удаа хэлж байсан Болсонару өчигдөр өөрийн дэмжигчидтэй уулзах үеэр ийм мэдэгдэл хийсэн байна.

Тэрээр “Леонардо ДиКаприог чөтгөр аваг! Тэр Амазоныг шатаах үйл ажиллагааг санхүүжүүлж байгаа” гэж хэлээд Бразилын эсрэг олон улсын хөдөлгөөнийг санаачлагчдын нэг гэж Холливүүдийн одыг буруутгажээ.

Мягмар гарагт Болсонаругийн засаг захиргаа Амазоны түймрийг унтраахаар ажиллаж байсан сайн дурын дөрвөн ажилтныг санаатай гал тавьсан хэрэгт сэжиглэн баривчилсан юм. Тэднийг өөрсдийн төрийн бус байгууллагад гадаадаас мөнгөн тусламж авахын тулд зориуд гал тавьж байгаа гэж ямар нэг нотолгоогүйгээр буруутгажээ.

Пүрэв гарагт Болсонаругийн хүү, улс төрч Эдуардо твиттер хуудсандаа “Амазонд гал түймэр тавьсан төрийн бус байгууллагад ДиКаприо $300,000-ыг хандивласан” гэж бичсэн юм.

Мөн Дэлхийн Байгаль Хамгаалах Санг (WWF) шатаж буй Амазоны ширэнгийн гэрэл зургийг авхуулахын тулд орон нутгийн төрийн бус байгууллагад $15,000-ыг төлсөн гэж мэдэгджээ.

WWF сангийн Бразил дахь салбар уг мэдэгдлийг эрс үгүйсгэсэн байна.

Энэ оны наймдугаар сард Амазоны ширэнгэ ойд өргөн хэмжээний гал түймэр шатаж эхэлсэн нь дэлхий нийтийн анхаарлын төвд орж, байгаль хамгаалах хөдөлгөөний идэвхтэн, нэрт жүжигчин Леонардо ДиКаприо $5 саяыг хандивлахаа амлаж байв.

Нэгдүгээр сард ерөнхийлөгчийн тангараг өргөж, үүрэгт ажилдаа орсон үндсэрхэг үзэлтэн Жайр Болсонару дэлхийн уушги гэгддэг Амазоны ширэнгийг хамгаалж чадахгүй байна гэсэн олон улсын хамтын нийгэмлэгийн шүүмжлэлийг хүлээж авалгүй, өөрийгөө хамгаалсаар байгаа юм. Тэрээр өөрийг нь шүүмжилсэн Францын ерөнхийлөгчтэй хил дамнасан хэрүүл маргаан үүсгэж байжээ.

Болсонару ерөнхийлөгч болсноос хойш Амазоны модыг огтолж, газар доорх баялгийг нь ашиглах үйл ажиллагаа эрс идэвхжсэн гэж мэргэжилтнүүд үздэг.

Э.Сэмүүн

Эх сурвалж: The Guardian

Сэтгэгдэлүүдийг хаах

Сүүлд нэмэгдсэн сэтгэгдэл

  • gardening for mental health: Your home and even garden are commonly typically the two most important places you deal...
  • gardening questions: Your home together with garden are commonly the two most important spots you deal with with a...
  • gardening quiz: Your home and even garden are generally typically the two most significant destinations you deal with...
  • gardening shows: Your home plus garden are usually this two most critical locations you deal with in a daily...
  • gardening jobs for march: Your home together with garden are normally the particular two most essential places you...